تواصلت الفنانة شيرين عبد الوهاب، للمرة الثانية مع جمهورها عبر بث مباشر على حسابها في "تيك توك"، واختارت شيرين الرد على أسئلة تتعلق بحاتها الشخصية والفنية ومستقبل ابنتيها، وكررت أكثر من مرة أنها بحاجة للتركيز مع عائلتها، كما كشفت عن رغبتها في العودة إلى التمثيل ولكن بشروط.
وواصلت شيرين عبد الوهاب الاحتفال بنجاح ألبومها الجديد ودخولها موسوعة غينيس للأرقام القياسية وقالت: "أنا بحب ربنا جدًا، وهو وقف معايا، وحاسة إنه حرك قلوبكم ومشاعركم ليا عشان تقفوا معايا، مفيش حاجة طبطبت عليا غير ربنا".
وأضافت: "أنا ربنا كرمني أوي... أنا دلوقتي ماضية مع ربنا."
وكشفت شيرين عن رغبتها في العودة للتمثيل، لكن بأسلوب جديد، موضحة حلمها بتقديم دور فلاحة أو فتاة صعيدية، وأشارت إلى أنها ترغب بأن يكون الدور مختلفًا عن أي شخصية جسدتها من قبل، ويبتعد عن فكرة قصة الصعود التي تتكرر في كثير من الأعمال ومنها مسلسلها الناجح طريقي.
وواصلت: "مش عايزة افتكر آخر 10 سنين في حياتي، وربنا هيجيبلي حقي من اللي زعلني.. أنا شوفت وحش كتير أوي في حياتي، ومركزة في شغلي من وقت ما رجعت من الأسر اللي كنت فيه، وهو عندي أهم حاجة".
وأضافت شيرين أنها تعمل في مجال الفن منذ كان عمرها 13 عاما، وتشعر أنها بحاجة أن تركز على عائلتها في هذه المرحلة من حياتها، وقالت: "عملت في مشواري اللي رضاني وبسط جمهوري، ودلوقتي لازم أركز مع عيلتي".
وقالت: "أغنية قالك نسيني كنت عند توما صاحبي وحبيبي، وعجبتني جدًا وقلت له أنا مسافرة واشتغل في التوزيع، ولما رجعت كانت هنا معايا بالصدفة وكانت مريم عند والدها، وكانت كسلانة وقولتلها لأ فوقي وهتغني معايا، البنت أدت دفا للأغنية".
وأضافت أنها سوف تطرح نسخة جديدة من العمل وترتد من خلال أن تظهر صوت ابنتها هنا لأنها تريد أن تسمع صوتها بشكل أوضح، موضحة: "أنا بحبهم وهما رافعين راسي".
وتابعت شيرين عبد الوهاب أن ابنتها مريم تريد أن تصبح دكتورة، موضحة: "قلت لها عايزاكي تخترعي دواء ولكن متتعامليش مع بني آدمين هتتعبي، الناس دلوقتي مشاكلها كتير، أنا بتمنى هي تعلم الناس إزاي تفرح".
غــــــــرد تــــــــعــــــــــــلــــــــيــــــــقــــــــك