ردّت الممثلة نادين نسيب نجيم على انتقادات طاولتها عقب جلسة تصوير خضعت لها في حوض الاستحمام (بانيو)، ترويجاً لمنتجات علامتها الخاصة بمستحضرات التجميل.
وقالت نجيم في فيديو نشرته عبر حسابها في تطبيق "سناب شات": "قال بكفي صور بالبانيو، على رأي ما بعرف مين، حدا بيضل ينكّت عليي مفكّر حاله مهضوم. إن شاء الله بتصوّر بالطنجرة، شو بدّك فيي؟ أنا يمكن شايفة إنو هيك عبالي، وهيك بيناسبني وبيناسب الـ product. بشو متعبتك أنا؟ مزعوجة من البانيو؟ نقلي علمطبخ. كتير بحبّو حدا يعملكن بلوك. شي غريب عجيب العالم والله العظيم".
وأضافت نجيم: "في وحدة بتقلّي في إيحاءات. إنتي نيّتك عاطلة. إيحاءات شو؟ وحدة قاعده عم تتصوّر وقعدت تحكي إنو هيدا الشي مرطّب. هيدا lip oil بيعطيك ترطيب وبتحسّي إنو شفايفك مرطبة. مشان هيك عبّرنا في بقصة الماي. وهي مش أول مرة منشوف هيك دعاية. في كتير عالم مرقت فيها لهل نزلة بالبانيو، وما بدا هالقد.إنو ليش هلقد اتضايقتي؟ مدام نظّفي ظنونك. نيتك مش منيحة، نيتك ما بتسوى".
وكانت نادين نسيب نجيم قد نشرت فيديو الجلسة التصويرية، وعلّقت عليه بكلمات فيها مزاح: "بعض اللقطات وراء الكواليس خلال تصوير الإعلان، كنت بردانة كتير وعم حاول ركزّ".
غــــــــرد تــــــــعــــــــــــلــــــــيــــــــقــــــــك