مين فينا ما بيحلم يملك بيت ببلده! بس صار إنّك تملك بيت حلم شبه مستحيل لكلّ لبناني بيشتغل وبعيش بلبنان. أسعار البيوت ببيروت خياليّة وبتوازي أسعار البيوت بأهمّ مدن العالم، متل لندن ونيويورك وباريس بس الفرق إنّو المعاشات عنّا مش متل معاشاتن يعني بالكاد تكفّي العيلة. وبلبنان وبعكس العالم، بيت بالضيعة ما كتير بيفرق بالسعر عن بيت بالمدينة.
أوقات ما بتقدر تجمّع حتّى حقّ دفعة أولى لبيت وهيّ ما بتشكّل إلّّ نسبة صغيرة من قيمتو. وكتار منّا بينسوا إنّو في مصاريف زيادة بترافق شراية البيت، متل رسوم التسجيل، والفايدة، والتأمين والصيانة وفواتير الميّ والكهربا، وغيرها وغيرها. ك لّها مصاريف إضافيّة لّزم تكون قادرة تتحمّلها.
ومع هيدا، إنت قادر تحقّق حلمك بإنّك تملك بيت لإلك. أكيد هالشي بيطلّب كتير من العمل والتعب، والأبحاث والتخطيط وتجميع المصاري والّلتزام بميزانيتك. منّا مهمّة مستحيلة إذا كنت جدّي بالموضوع!
بالأوّل لّزم تفكّر كيف فيك تجمّع مصاري وتحطّ خطّ ة لتأمّن حقّ دفعة أولى للبيت. ولّزم تراجع الطريقة يلّي تعوّدت عليها بصرف المصاري وتحدّد ميزان ية لتلتزم فيها. وهيك بصير فيك تقرّر المبلغ يلّي رح تخصصه كلّ شهر للدفعة الأولى.
تانيا ، لّزم تكون واقعي بس تفتّش على بيت. لأن يمكن ما تكون قادر تشتري بالوقت الحالي دوبلكس أو فيلا بالمدينة. دوّر بالمناطق يلّي بتهمّك واعمل مقارنة. حاول تلاقي بيت ما يكون كتير بحاجة لتغييرات وتجديدات. فكّر بحسنات وبسيّئات البيوت يلّي ضمن ميزانيتك.
إذا كان بهمّك تجمّع مصاري حقّ بيت بأقرب وقت ممكن، لّزم تغيّر نمط حياتك لتسرّع بالإجراءات. خفّف المصاريف غير الضروريّة، سدّد ديونك وأمّن شغل إضافي، خفّف الضهرات والسفرات، وتخ لّص من البطاقات الّئتمانيّة لّزم تكون صارم مع نفسك، وإلّّ بتضلّ كلّ حياتك عم تجمّع.
– ولما تتعرّض لأي إغراءات، نسّق مع البنك يلّي بتتعامل معه ليتحوّل المبلغ يلّي عم تجمعو مباشرة لحساب توفير خاصّ فيك أوّل ما ينزل معاشك. وبتقدر تختار حساب توفير مجمّد بيمنعك تسحب أي مبلغ قبل تاريخ الّستحقاق.
Tweets:
- بتحلم تملك بيت بلبنان؟ راجع طريقة صرفك للمصاري وحدّد ميزان ية وحطّ خطّة لتأمّن الدفعة الأولى من البيت.
- لتقدر تشتري بيت، فتّش عن بيت ما يكون بحاجة لكتير من التغييرات ويكون من ضمن ميزانيتك لما تضلّ كلّ حياتك عم تجمّع مصاري.
- بدّك تشتري بيت؟ خفّف مصاريفك، سدّد ديونك وتخلّص من البطاقات الّئتمانيّة لّزم تكون – صارم لتقدر تجمّع حقّو!
- لتجمّع حقّ بيت، خلّي البنك يحوّلك مبلغ من معاشك أوّل ما ينزل لحساب توفير مجمّد هيك ما بتتعرّض للإغراءات.
- حلمك تملك بيت بلبنان؟ منّا مهمّة مستحيلة إذا حدّدت ميزانيّة والتزمت فيها وحطّيت خطّة لتجمّع المصاري.
غــــــــرد تــــــــعــــــــــــلــــــــيــــــــقــــــــك